بخصوص القالب الجانبي "كيرب ستون" المضئ اللي جاري وضعه ببغداد "بالجادرية" بعد تفليش الارصفة للمرة العاشرة خلال ١٢ سنة على التوالي.
يجب توضيح التالي:
١_ هي وين الكهرباء حتى نضيع الكهرباء بالارصفة!!
٢- هو الكونكريت لم يصمد في شوارعنا، البلاسك راح يقاوم!!
٣_ تم تجربة هذا النوع في ساحة جسر الطابقين، وخلال شهر فشل وطفت نص الاضاءة وانخلع من موقعه.. يعني فشل "فشل ذريع".
٤_ الاضاءة اكيد صينية، مستحيل تعطل خلال شهرين وهي المانية مثلا، يعني فقدت الغرض منها خلال شهرين.
٥_ اسلاك توصيل الكهرباء اصبحت ظاهرة حاليا، وان شاء الله للشتاء رح نشوف حوادت موت بالكهرباء باعتبار كالعادة الشارع يوكف بيه المطر.
٦_ "ماهية" الجدوى منه وسرعة سير السيارات بهالمنطقة متتجاوز ال ٤٠ من الازدحامات.
٧_ سواق السيارات وحرفيتهم عدنا رح تضمن ولا سيارة تلمسه اذا مو يدوسون عليه؟ "الحرفية تقييمها الكم".
٨_ بدل هدم ارصفة موجودة ، ليش ما ينصبون ارصفة في احياء كاملة ما متوفرة بيها لا شوارع ولا ارصفة.
٩_ اخيرا، يقال انه عدنا تقشف وحرب استنزاف ضد داعش، ليش هالمقاولات غير المهمة؟
ملاحظة: الصورة من خارج العراق، الارصفة اللي عدنا ماتستحق ياخذولها صورة.
